ಅಂಕೋಲಾ, ಜುಲೈ 22: ಅಂಕೋಲಾ ಪಟ್ಟಣದ ಕೆನರಾ ಬ್ಯಾಂಕ್ ಬಳಿ ನಿಲ್ಲಿಸಲಾಗಿದ್ದ ಕಾರೊಂದು ಚಾಲಕರಿಲ್ಲದ ಸ್ಥಿತಿಯಲ್ಲಿ ಏಕಾಏಕಿ ಚಲಿಸಿ ಹತ್ತಿರದಲ್ಲಿಯೇ ನಿಲ್ಲಿಸಿಡಲಾಗಿದ್ದ ಬೈಕಿಗೆ ಡಿಕ್ಕಿ ಹೊಡೆದ ಘಟನೆ ಇಂದು ಸಂಜೆ ಸುಮಾರು 5 ಗಂಟೆಯ ಸುಮಾರಿಗೆ ನಡೆದಿದೆ.
ಘಟನೆಯ ವೇಳೆ ಕಾರಿನಲ್ಲಿ ಯಾವುದೇ ಚಾಲಕ ಇರಲಿಲ್ಲ. ಕಾರು ಹಠಾತಾಗಿ ಚಲನೆಗೊಳ್ಳುತ್ತಿದ್ದಂತೆ ಅದೇ ಸಂದರ್ಭದಲ್ಲಿ ಓಡೋಡಿ ಬಂದ ಕಾರು ಚಾಲಕನು ವಾಹನವನ್ನು ಪ್ರಾರಂಭಿಸಿ ತಕ್ಷಣವೇ ಸ್ಥಳದಿಂದ ಓಡಿದ ದೃಶ್ಯ ಕಂಡುಬಂದಿದೆ.
ದೈವದ ಇಚ್ಛೆಯಿಂದ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ. ಸ್ಥಳದಲ್ಲಿದ್ದ ಸಾರ್ವಜನಿಕರ ಪ್ರಕಾರ, ಚಾಲಕನ ಬೇಜವಾಬ್ದಾರಿಯು ಅಥವಾ ತಾಂತ್ರಿಕ ದೋಷವೊಂದು ಈ ಘಟನೆಗೆ ಕಾರಣವಾಗಿರಬಹುದೆಂದು ಶಂಕಿಸಲಾಗಿದೆ.
ಘಟನೆಯ ಸಂದರ್ಭ ಮಳೆಯಾಗುತ್ತಿದ್ದ ಕಾರಣದಿಂದ ಸಾರ್ವಜನಿಕರು ಅದೆಷ್ಟು ಕಡಿಮೆ ಸಂಖ್ಯೆಯಲ್ಲಿ ಇದ್ದರು ಎಂಬುದು ದೊಡ್ಡ ಅನಾಹುತವನ್ನು ತಪ್ಪಿಸಿದೆ. ಬೈಕ್ಗೆ ಹಾನಿ ಸಂಭವಿಸಿದರೂ ಯಾರಿಗೂ ಗಾಯವಾಗ ದಿರುವುದು ತಾತ್ಕಾಲಿಕವಾಗಿ ನೆಮ್ಮದಿಯ ವಿಷಯವಾಗಿದೆ.
ವರದಿ : ಕಿರಣ ಚಂದ್ರಹಾಸ ಗಾಂವಕರ
